Ураныг дулаан болон цахилгаан эрчим хүчний эх үүсвэр гаргахад ашиглахаас гадна, ашигласан түлшний 94%-ийг дахин боловсруулж цөмийн түлш болон эрүүл мэнд, уул уурхай, аж үйлдвэр, хөдөө аж ахуй зэрэг бүхий л салбар ашиглах цацраг идэвхт үүсгүүр гарган авдаг.

Ураны олборлолт нь бусад төрлийн ашигт малтмалтай адил илээр олборлох, далдаар олборлох мөн ГДУО гэх мэт аргуудыг ашигладаг. Эдгээр аргаас тухайн ашигт малтмалын геологийн тогтцоос нь хамааруулан сонгон ашигладаг

Уран хүний биед шууд хор хөнөөл үзүүлэхгүй. Учир нь байгалийн уран бол дэлхий анх үүсэхэд үүссэн, химийн элемент бөгөөд дэлхийн царцдас, чулуулаг, хөрс, шороо, ус, ургамал, нүүрс гээд хүрээлэн буй орчны бүхий л зүйлд агуулагдаж байдаг.

Хэдийгээр дулааны цахилгаан станцууд нь дэлхийн нийт дулаан, цахилгааны эрчим хүчний дийлэнх хувийг хангаж байгаа ч тэр хэмжээгээрээ “дэлхийн дулаарал”-ыг үүсгэж, цаг уурын өөрчлөлтөд муугаар нөлөөлж байгаа нь тодорхойлогдсон. Мөн хүний өвчлөлийн олон шалтгаанууд нүүрс, нүүрсхүчлийн хийнээс үүдэлтэй байгаа дэлхийн эрүүл мэндийн байгууллагаас тогтоосон. Тиймд НҮБ-аас хүлэмжийн хийг ялгаруулахыг хориглосон Монреалийн ба Киотогийн гэрээ программуудыг дэлхийн бүх улс орон дагаж хэрэгжүүлэхийг хатуу шаардаж байгаа.

Монгол Улс уранаа олборлоод эхэлвэл зөвхөн татвар төлбөр хэлбэрээр жилд 50 сая доллорын орлого бүрдүүлнэ. Тухайлбал улс болоод орон нутагт АМНАТ, газрын төлбөр, тусгай зөвшөөрлийн төлбөр, ус ашигласны төлбөр, аж ахуй нэгжийн орлогын албан татвар, нийгмийн даатгалын шимтгэл, хувь хүний орлогын албан татвар, үл хөдлөх хөрөнгийн албан татвар, гаалийн ашгийн татвар, ногдол ашгийн татвар гэх мэт татварууд байна.

Монгол Улсын Их хурлаас 2009 онд “Монгол Улсын төрөөс цацраг идэвхт ашигт малтмал болон цөмийн энергийн талаар баримтлах бодлого” болон Цөмийн энергийн тухай хуулийг баталснаар уран олборлох эрх зүйн орчин бүрэн бүрдсэн. Өнөөдрийн байдлаар Цөмийн энергийн салбарын үйл ажиллагааг зохицуулсан олон улсын 3 гэрээ конвенц, 3 бодлогын баримт бичиг, 2 хууль, 13 дүрэм журам, стандарт норм байна. Үүнээс гадна “Монгол Улсын мянганы хөгжлийн зорилтод суурилсан үндэсний хөгжлийн цогц бодлого”, “Монгол Улсын тогтвортой хөгжлийн үзэл баримтлал” зэрэг томоохон баримт бичигт цөмийн энергийг энхийн зорилгоор ашиглах, уран олборлох асуудлууд тусгагдсан байдаг.

Дэлхий дээр 2019 онд 14 улс уран олборлож 64,566 тонн шар нунтаг үйлдвэрлэсэн байна. Эдгээрийн 57%-ийг ГДУО аргаар олборлосон байна. Монгол Улс нь уранаар баялаг тул эдгээр улсын сайн туршлагыг өөрийн орондоо нутагшуулаад уранаа эдийн засгийн эргэлтэд оруулж, олон улсын тавцанд гарах боломж бүрэн байгаа.